Benjamin Netanyahu tha se Donald Trump e nxiti që të refuzonte një marrëveshje armëpushimi të pjesshëm me Hamasin dhe të vazhdonte ofensivën në Gaza me "forcë të plotë". Kryeministri i Izraelit refuzoi të mbante një votim për armëpushimin e propozuar gjatë një takimi të kabinetit të sigurisë të dielën vonë, duke pretenduar se presidenti amerikan mbështeti zgjerimin e tij të konfliktit. Në vend të kësaj, takimi gjashtëorësh u përqendrua pothuajse ekskluzivisht në përshpejtimin e planeve për një ofensivë ushtarake brenda Qytetit të Gazës, sipas disa rrjedhjeve të informacionit të seancës me dyer të mbyllura. Nëse deklaratat e Netanjahut rezultojnë të vërteta, atëherë ato bien ndesh me deklaratat publike të presidentit amerikan, që në deklaratat publike ka bërë thirrje për armëpushim dhe vetëpërmbajtje për Izraelin.