Humbja e Bashës në zgjedhjet e pjesshme të 6 marsit, vuri kundër tij zëra të shumtë politikë, mes të cilëve edhe ata që mund të konsiderohen si ndër më besnikët e tij në parti. Prej 15 ditësh, kreu i opozitës ka qenë në një presion të vazhdueshëm, ku kundër tij dolën edhe deputetët që e kanë mbështetur gjithmonë. I ndodhur përpara kësaj situate dhe trysnie të vazhdueshme, Lulzim Basha pasditen e kësaj të hëne, një ditë para ditës historike që shënon Partia Demokratike, 22 marsi, në një komunikim për mediat dha dorëhqejen duke u tërhequr nga udhëheqja e PD, pasi siç u shpreh vetë ai, dështoi në bashkimin e opozitës dhe nuk arriti suksesin që ai kishte menduar. “Fatkeqësisht, përpjekja ime për ta mbajtur PD të bashkuar nuk arriti sukses. Unë dhe shume demokratë u përballëm me një fushatë sulmesh te paparimta dhe te pavërteta që krijuan një frymë përcarje, dhe si rezultat sot Partia Demokratike po përjeton një krizë të thellë. Për këtë arsye dhe për të ndihmuar Partinë Demokratike dhe demokratët të lënë mënjanë ndasitë joparimore, i vetëdijshëm për peshën që mora mbi vete, për atë që e kam quajtur vendimin tim më të vështirë politik, kam vendosur të hedh një hap pas duke u dorëhequr nga detyra e kryetarit të PD, me qëllim dhe i vendosur për të ndihmuar për ringritjen dhe bashkimin e demokratëve dhe Partisë Demokratike si shpresa e vetme për shqiptarët” Komentet negative nga më të ndryshmet kundër Bashës, kanë qenë të pranishme prej ditësh në tryezën e debateve televizive, ku humbja e tij për herë të 6, I dha figurave politike një tjetër arsye për të kërkuar dorëheqjen e tij. E ndërsa vetë Basha u ndodh në një udhë pa krye, pranoi humbjen e tij, ku u shpreh se kjo nuk ishte një tërheqje për rehati personale, por një nxitje më shumë për betejën e Partisë Demokratike të së ardhmes.