Kryeministri izraelit Benjamin Netanyahu u tha udhëheqësve botërorë të enjten se sulmi ndaj Iranit "ishte një nga vendimet më të lehta që i ishte dashur të merrte ndonjëherë" dhe i denoncoi si "frikacakë moralë" një numër të madh delegatësh që dolën nga Asambleja e Përgjithshme e OKB-së kur ai u ngjit në podium për të folur. "Duke mbrojtur veten, Izraeli po mbron gjithashtu shumë nga vendet delegatët e të cilëve sapo u larguan nga kjo sallë", tha Netanyahu. "Në fakt, dua që ju të dini se shumë nga udhëheqësit e tyre madje na falënderojnë privatisht që shkatërruam armët bërthamore të Iranit", vijoi ai më tej fjalimin ndërsa më herët kur po ecta drejt foltores shpërtheu në sallë një përzierje brohoritjesh, fishkëllimash dhe largimesh masive. Dhjetëra delegatë dolën jashtë dhe shumica e vendeve mbetën bosh më pas. "Rend në sallë, ju lutem", tha Presidenti i Asamblesë së Përgjithshme Khalilur Rahman në mënyrë të përsëritur. "Nëse ka ndonjë frikacak tjetër moral që nuk është larguar ende nga salla, ju lutem bëjeni tani", tha Netanyahu.