Një agjent i shërbimit sekret në ekipin e sigurisë së JD Vance është pezulluar pasi dyshohet se ka zbuluar informacione rreth zëvendëspresidentit. Agjenti u ndëshkua pas një hetimi mbi identitetin e një burimi për një artikull që përfshinte detaje rreth udhëtimit të Vance, raportoi CNN. Punonjësi dyshohet se ka dhënë informacione për një artikull të MS NOË në lidhje me agjentët e ekipit të sigurisë së Vance që ishin “të lodhur” me kërkesat e tij për udhëtime personale dhe familjare. Artikulli, i cili pretendonte se Vance u përpoq të përdorte një helikopter të marinës për të çuar djalin e tij në një orë golfi, zemëroi Shtëpinë e Bardhë, shërbimin sekret dhe zyrtarët e FBI-së. Një hetim është hapur nga zyra e punëve të brendshme të agjencisë dhe nuk është e qartë nëse agjenti mund të përballet me ndonjë ndëshkim administrativ ose akuza penale. Burimet i thanë medias se Vance u kishte kërkuar agjentëve ta shoqëronin në një helikopter ushtarak që do të dërgonte djalin e tij në një seancë mësimesh golfi në fillim të këtij muaji.