Java e Kulturës Spanjolle vjen në Tiranë dhe Gjirokastër nga data 3 deri më 7 nëntor, duke sjellë një program të pasur me letërsi, muzikë, kinema dhe gastronomi spanjolle. Këtë të hënë në Katedralen Ortodokse në Tiranë balerina andaluziane Lucia La Bronce do të sjellë shfaqjen flamenko “Recondito”, një performancë intime dhe e fuqishme ku kërcimi, kënga, kitarat dhe perkusioni ndërthuren për të rikthyer shpirtin autentik të flamenkos.