Qeveria e Japonisë ka miratuar një buxhet rekord të mbrojtjes, ndërsa tensionet me Kinën vazhdojnë të rriten, me Pekinin që këtë javë akuzoi Tokion për "nxitje të një gare të armatimit hapësinor". Projekt-buxheti i mbrojtjes për vitin e ardhshëm fiskal, i miratuar të premten, është më shumë se 9 trilionë jen ose 58 miliardë dollarë dhe 9.4% më i madh se buxheti i vitit të mëparshëm, i cili do të përfundojë në prill. Rritja vjen në vitin e katërt të programit pesëvjeçar të Japonisë për të dyfishuar shpenzimet e saj vjetore të armëve në 2% të PBB-së. Plani i buxhetit përqendrohet në forcimin e aftësisë së kundërsulmit dhe mbrojtjes bregdetare me raketa sipërfaqësore dhe arsenale pa pilot. Për të mbrojtur brigjet, Japonia do të shpenzojë 100 miliardë jen për të vendosur dronë pa pilot, dronë detar dhe nënujorë për mbikëqyrje dhe mbrojtje sipas një sistemi të quajtur "Mburoja" të planifikuar për marsin e vitit 2028, thanë zyrtarët e ministrisë së mbrojtjes.