Shirat e rrëmbyeshëm kanë përfshirë vende të ndryshme në të gjithë globin, ku një ndër vendet më të prekura në Europë ishte edhe Italia. Por krahas Evropës, nga përmbytjet nuk kanë shpëtuar as edhe vendet si Japonia. Nisur nga kjo situate dhe paralajmërimet e sinoptikanëve për përkeqësimin e situatës, autoritetet japoneze u bëjnë thirrje mijëra banorëve në prefekturën Ishikawa që të largohen nga shtëpitë e tyre për shkak të përmbytjeve pas shirave të dendur. Për këtë, rreth 30,000 banorë të qyteteve Uajima dhe Suzu u urdhëruan të largoheshin menjëherë nga zona, shkruajnë mediat e huaja. Përmbytjet po prekin komunitetet në zona të ndryshme, tha një zyrtar për AFP. Agjencia Meteorologjike e Japonisë vendosi prefekturën Ishikawa në gatishmëri maksimale, duke paralajmëruar për rreziqe të mëdha.