Presidenti amerikan, Donald Trump, tha të mërkurën se një marrëveshje e përkohshme për t'i dhënë fund luftës me Iranin ka "mbaruar" pasi Teherani kreu sulme të reja ndaj bazave amerikane në Gjirin Persik. Në një përshkallëzim armiqësish që rriti ndjeshëm çmimet e naftës, Irani tha se kishte synuar bazat ushtarake amerikane në Bahrein dhe Kuvajt pasi forcat amerikane goditën objektivat iraniane në përgjigje të sulmeve ndaj cisternave në Ngushticën e Hormuzit. I pyetur para një samiti të NATO-s në Turqi nëse marrëveshja e armëpushimit kishte mbaruar, Trump tha: "Është një pyetje shumë interesante. Për mua, mendoj se ka mbaruar. Nuk dua të merrem me ta. Ata janë llum. Janë njerëz të sëmurë. Udhëhiqen nga njerëz të sëmurë", u tha ai gazetarëve në Ankara. "Për sa më përket mua, është thjesht humbje kohe të merresh me ta."