Një ciklon digjital, një vorbull shumëfish më e madhe sesa vetë përmasa e vendit tone, i quajti kryeministri Edi Rama protestat që kanë nisur prej më shumë se 20 ditësh, duke theksuar se çdo gjë po ndodh për shkak të emrit të familjes Trump dhe jo investimit në Zvërnec. armata shurdhuese e influencer-ëve, folloëers-ave, analistëve, dialistëve, opinionistëve, urrejtësve kinse patriotikë dhe mercenarëve dixhitalë të vënë në dispozicion gojarisht nga armiqtë e Shqipërisë apo nga konkurrentët e saj të egër në industrinë e turizmit, do ta shpëtonte Shqipërinë nga unë, për llogari të karavidheve të opozitës së dukshme dhe të padukshme, nga llapaqorat e ballibullistët te bllok-revolucionarët e aeroportit dhe deri te lugëndryshkurit e vetë familjes sonë të madhe. Për Ramën Zvërneci tashmë është kthyer në një luftë ideologjike që nuk ka lidhje me Shqipërinë. Një projekt zhvillimi në Shqipëri u bë brenda pak ditësh pjesë e një lufte ideologjike që nuk ka lidhje me Shqipërinë dhe, në fakt, nuk ka fare për objekt Shqipërinë. Shqipëria u bë zogu, ne u gjendëm në mes të saj, jo si autorë, as si protagonistë, por thjesht si skenë dhe kjo në vetvete është risia e kohës që ne jetojmë, një kohë ku algoritmet udhëtojnë më shpejt sesa vërtetësia e lajmeve, ku emocionet mbërrijnë përpara fakteve dhe ku shumë shpesh perceptimi bëhet e vërteta, ndërsa e vërteta mbetet krejt jetime.