Sali Berisha thotë se nuk do t’i bashkohet personalisht protestës së qytetarëve, duke këmbëngulur se ajo nuk është partiake. Berisha - Jo, sepse nuk është partiake. Unë nuk mund të bëj Edi Ramën të them atë që s'është. Unë jam partiak. Kjo është e vërteta dhe unë nuk dua kurrë që ato ngjyra që i kanë dhënë qytetarët t'ia prek. Çdo demokrat aty është pa asnjë simbol partiak. Të respektojmë këtë, të mësohemi të respektojmë këtë dukuri madhështore të paparë në Shqipëri. Lëre çfarë thotë ai, ai është një i çmendur. Çfarë kanë me fashizmin ata? Kjo është protesta më paqësore, më e bukura, më paqësorja që ka njohur Shqipëria. Ndaj dhe unë po të mos kisha patur këto funksione, ditë natë do isha aty. Kreu i Partisë Demokratike shprehu bindjen se në fund të protestës, Rama do të jetë larguar.