Kryeministri Edi Rama deklaroi se pavarësisht se ka një ngërç për vaksinat, mes kërkesës dhe ofertës, por sipas tij, Shqipëria do të nisë procesin e vaksinimit brenda 15 janarit. "Jemi të bindur që do fillojmë vaksinimin pa pritur që të kaloj ky ngërç. Në mes të janarit do jemi në gjendje të fillojmë vaksinimin", deklaroi kreu i qeverisë, ndërsa shtoi se qeveria është në negociata me Modernan dhe AstraZenecën. Jemi në diskutime me Modernan dhe AstraZenecën. Do finalizojmë shpejt marrëveshjen me Pfizer". Kreu i qeverisë iu përgjigj kritikëve të vaksinës me rastin e Italisë, e cila ka marrë vetëm 9700 doza. "Jemi në përpjekje intensive për vaksinën. Më vjen keq kur dëgjoj lloj lloj muhabetesh dhe teorish në mënyrë të përditshme, sespse faktikisht situate e përgjithshme është domethënëse në lidhje me një ngërç mes kërkesës dhe ofertës. Italia, e cila ka nisur vaksinimin tre ditë më parë ka në dispozicion 9700 vaksina. Kjo është sasia e dozave që ka marrë Italia, vend i BE. Dozat e disponueshme janë shumë herë më pak se nevojat, ato janë ndarë mes vendeve të BE. Këtu çfarë nuk dëgjon. Kompanitë, duke filluar nga Pfizer bëjnë marrëveshje të cilat sidoqoftë janë të lidhura me shtetet. Kreu i qeverisë u shpreh se marrëveshja aktuale e Pfizer është me BE-në si entitet, ndërsa shtoi se ka një ndalesë nga Trump, që asnjë dozë të mos dalë nga SHBA. "Nuk ka një marrëveshje tani që bëhët drejpërdrejt me kompaninë, ku blen sipas asaj që ofron. Marrëveshja është e lidhur me shtetet me të cilat Pfizer ka vendosur vijat e para të komunikimit, kam parasysh BE si entitet. SHBA ka një ndalesë me një akt të presidentit, që asnjë dozë nuk mund të dalë nga SHBA. I gjithë ky ngërç i takon vetëm fazës së parë, pasi prodhimi do rritet në mënyrë eksponenciale në muajt në vijim".