Dosja e mashtruesit Florjan Gjergji ka kaluar për gjykim në mungesë. Ndërkohë ndaj tij janë duke u zhvilluar edhe dy procese të tjera për skemën e mashtrimit të biznesmenëve të ndryshëm në emër të politikanëve dhe zyrtarëve të lartë. Gjergji është shpallur në kërkim ndërkombëtar nga Prokuroria e Tiranës, ndërsa për të janë në fuqi disa masa arresti me burg. Në disa raste mashtrimi të zbuluara nga policia në pranga janë vënë disa bashkëpunëtorë apo persona të përdorur nga Gjergji i cili dyshohet edhe si organizatori i rastit të fundit ku një biznesmeni nga Librazhdi i’u morën 100 mijë euro në emër të ministrit të Brendshëm Taulant Balla.