Një plan ambicioz për t’i dhënë fund luftimeve në Gazë ka ardhur nga Egjipti. Propozimi rezulton në një armëpushim, lirim me faza të pengjeve dhe ndërkohë në krijimin e një qeveri palestineze ekspertësh, që do të administrojnë Rripin e Gazës dhe Bregun Perëndimor. ‘Më konkretisht, kërkohet një armëpushim fillestar dy javësh, gjatë së cilit Hamasi do të lironte 40-50 pengje, në këmbim të lirimit të 120-150 palestinezëve nga burgjet izraelite. Në të njëjtën kohë, negociatat do të vazhdonin për zgjatjen e armëpushimit dhe lirimin e më shumë pengjeve. E ndërsa Egjipti dhe Katari do të punonin me të gjitha fraksionet palestineze, përfshirë Hamasin, për të rënë dakord për krijimin e një qeverie ekspertësh. Kjo do të ishte një qeverisje tranzitore për Gazën dhe Bregun Perëndimor, derisa fraksionet palestineze të zgjidhin mosmarrëveshjet e tyre, e mëtej të kalonin në zgjedhje’