Sulmet ajrore kanë goditur periferitë jugore të kryeqytetit libanez të premten, pasi ushtria izraelite u bëri thirrje banorëve që të evakuohen. Agjencia kombëtare e lajmeve në Liban tha se një dron izraelit lëshoi dy raketa në Gobeir, në periferi të Bejrutit dhe më pas forcat ajrore kryen një sulm “të rëndë” ajror që rrafshoi një ndërtesë afër zyrave komunale. Urdhri për evakuim u publikua në X nga zëdhënësi i ushtrisë Izraelite, Avichay Adreee, i cili u tha banorëve që të largohen dhe i paralajmëroi se do të kishte sulme të menjëhershme. “Të gjithë banorët në periferitë jugore, veçanërisht në zonën e Gobeirit, gjenden afër ndërtesave dhe interesave që lidhen me Hezbollahun”, shkroi zëdhënësi. “Për sigurinë tuaj dhe të anëtarëve të familjes suaj, ju duhet të evakuohen nga këto ndërtesa”, shtoi ai.