Izraeli tha se avionët e tij luftarakë kishin vrarë një komandant të Hamasit në një sulm mbi një kam refugjatësh të shumëpopulluar në Gaza, në një sulm që po ashtu la të vrarë edhe të paktën 50 palestinezë, ndërkohë që luftimet intensifikohen në enklavën ku ushqimi, karburanti dhe furnizimet e tjera po mbarojnë. Ushtria izraelite tha po ahstu se 11 ushtarë ishin vrarë në luftimet në gaza të martën, shifra më e lartë ditore e humbjeve kjo për forcat e armatosura që pas sulmit të hamasit në izrael më 7 tetor kur u vranë rreth 300 ushtarë dhe rreth 1100 civilë. Radioja e ushtrisë izraelite tha se pjesa më e madhe e të vrarëve ishin trupa të këmbësorisë, mjetet e të cilëve u goditën nga raketa anti blindë. Bombardimet dhe sulmet ajrore ndërkohë kanë vijuar pa pushim në gaza gjatë natës. Izraeli ka dërguar trupat në brendësi të gazës pas javësh bombardime nga ajri dhe forcat izraelite të mbrojtjes thanë se sulmi ajror në Xhabalia, kampin më të madh të refugjatëve në Gaza, kishte vrarë Ibrahim Biarin, një komandant të Hamasit që thuhet se ka qenë person i rëndësishëm në planifikimin dhe ekzekutimin e sulmit. Dhjetëra luftëtarë të hamasit ishin në të njëjtin tunel nëntokësor me Biarin dhe po ashtu janë vrarë kur ai u shemb nga sulmi – tha një zëdhënës i trupave izraelite. Ndërkohë, ministri izraelit i mbrojtjes premtoi se do të bënte gjithcka për të shkatërruar hamasin. “Kjo ëhstë një luftë për të ardhmen e izraelit. Terroristët e hamasit kanë dy opsione, të vriten apo të dorëzohen pa kushte”, tha ai. Një zëdhënës i Hamasit mohoi që ndonjë komandant i lartë të jetë vrarë në kamp dhe e quajti pretendimin e izraelit një pretekst për të vrarë civilët.