Kreu i forcës policore në veri të Rripit të Gazës, nën kontrollin e Hamasit, është vrarë në një sulm ajror izraelit, sipas Ministrisë së Brendshme të Hamasit dhe ekipeve palestineze të shpëtimit. Viktima është identifikuar si gjenerali i brigadës Abdel Nasser al-Maqadma, i cili humbi jetën në zonën Sheikh Radëan, në veri të qytetit të Gazës. Gjatë së shtunës, sulme të tjera ajrore izraelite goditën kampin e refugjatëve Nuseirat dhe një banesë në Khan Younis, duke lënë të paktën katër persona të vrarë. Ushtria izraelite nuk ka reaguar ende zyrtarisht për incidentet. Izraeli pretendon se disa prej efektivëve të policisë së Hamasit kanë qenë pjesë e krahut të armatosur të organizatës, ndërsa Hamasi akuzon Izraelin se po synon të destabilizojë Gazën dhe të minojë armëpushimin. Ndërkohë, ndërmjetësit ndërkombëtarë, përfshirë Egjiptin, Katarin, Turqinë dhe Shtetet e Bashkuara, vijojnë përpjekjet për arritjen e një marrëveshjeje që do t’i jepte fund konfliktit, por negociatat mbeten pa rezultat konkret.