Të paktën 25 persona u vranë në qendër të Rripit të Gazës si pasojë e bombardimeve të kryera nga ushtria Izraelite këtë të premte, thanë autoritetet palesitneze. Ushtria izraelite e shtriu ofensivën dhe në Liban duke vrarë të paktën dhjetëra persona të tjerë. IDF tha se në Gaza u shënjestruan bazat e Hamas. Sulmet u shtrinë në kampin e refugjatëve në Nuseirat. Ndërkohë në Liban bombardime vijuan në pjesën jugore. Zyrtarët në spitalin Al-Aksa në Gazë thanë se kanë vazhduar të pranojnë trupa të viktimave pas sulmeve ajrore në kampin e Nuseiratit, që nisën gjatë natës. Nga këto sulme, sipas Radio Evropa e Lirë, janë vrarë 21 persona, përfshirë një foshnje 18-muajshe dhe motra e tij 10-vjeçare. Pavarësisht presionit nga SHBA-ja dhe nga shtete të tjera për një armëpushim në Gazë dhe Liban, Izraeli ka vazhduar sulmet ajrore në Liban të premten, duke vrarë 24 persona vetëm në pjesën verilindore të Libanit. Që nga 8 tetori 2023, në Liban janë vrarë më shumë se 2.800 persona dhe janë plagosur 13.000 të tjerë, sipas Ministrisë të Shëndetësisë në Liban.