Ushtria izraelite tha tw premten se dy paqeruajtës të OKB-së u plagosën pasi ushtarët izraelitë identifikuan një "kërcënim të menjëhershëm" kundër forcave të saj dhe "u përgjigjën me zjarr ndaj kwtij sinjalizimi". IDF lidhur me incidentin sqaron se ka paralajmëruar personelin e OKB-së që të lëvizë në "hapësirat e mbrojtura dhe të qëndrojë atje" disa orë përpara ngjarjes, por kwrkesa e saj nuk ishte marrw parasysh. "Një ekzaminim fillestar tregon se gjatë incidentit, u identifikua një goditje në një postë të Unifil, e vendosur afërsisht 50 metra nga burimi i kërcënimit, duke rezultuar në plagosjen e dy personelit të Unifil," thuhet në një deklaratë të IDF. IDF thotë se po shqyrton se si ndodhi incidenti dhe do të vazhdojë kontaktet me Unifil për qëllime koordinimi. Më herwt, Unifil tha se "çdo sulm i qëllimshëm ndaj paqeruajtësve është një shkelje e rëndë e ligjit ndërkombëtar humanitar".