Izraeli ka sinjalizuar se do të rrethojë qytetin kryesor të Gazës dhe ka publikuar imazhe të tankeve të betejës në brigjet perëndimore të enklavës palestineze, 48 orë pasi urdhëroi zgjerimin e operacioneve tokësore përtej kufijve të tij lindorë. Faza e dytë e shpallur nga izraeli, e një lufte tre javore kundër militantëve të hamasit, fillimisht u mbajt larg syrit të publikut, me forcat që hynin në gaza në errësirë dhe me një ndërprerje totale të telekomunikimit që izoloi palestienzët. Ndërprerja e telefonave dhe internetit duket se përfundoi të dielën por banorët e gazas thonë se kanë vështirësi në operacionet e kërkimit dhe shpëtimit për viktimat e sulmeve izraelite që kanë mbjellë shkatërrim, vecanërisht në pjesën veriore të qytetit të gazit, vendi ku ndodhen qendrat qeverisëse dhe komanduese të hamasit. Përvec pamjeve të tankeve të publikuara nga ushtria izraelite, disa imazhe të tjera të postuara online, tregonin ushtarët izraelitë që valëvisnin flamujt e izraelit thellë në gaza. Hamasi tha se vazhdonte të lëshonte mortaja kundër forcave izraelite në veri të gazës dhe se i ka dëmtuar tanket izraelite me raketa, duke hedhur poshtë kështu raportet për avancim të konsiderueshëm të armikut.