Zëvendëspresidenti amerikan JD Vance tha se disa anëtarë të qeverisë izraelite ishin përpjekur të ndikonin në opinionin publik në SHBA, për të kundërshtuar një marrëveshje për t'i dhënë fund luftës me Iranin. Komentet pasqyrojnë kritikat e mëparshme ndaj politikës së qeverisë izraelite nga Vance, të cilin shumëkush e sheh si një kandidat të mundshëm presidencial në të ardhmen, në një përçarje publike që po zgjerohet mes dy vendeve. Vance mbrojti një marrëveshje të arritur muajin e kaluar për t'i dhënë fund luftës me Iranin, që kritikët në SHBA dhe Izrael thonë se dështon të frenojë programin raketor të iranit dhe nuk jep një rrugë të qartë për çmontimin e objekteve të tij bërthamore, ndërsa e kufizon Izraelin në luftën e tij me militantët e Hezbollahut në Liban. "E di pa asnjë hije dyshimi se ka pasur njerëz brenda qeverisë izraelite që janë përpjekur dhe përpiqen të na largojnë nga ajo politikë sepse duan të vazhdojnë fushatën ushtarake", tha Vance.