Izraeli miratoi dy ligje që ndalojnë agjencinë e refugjatëve palestinezë të OKB-së (Unrëa) të veprojë në Izrael dhe në zonat e pushtuara nën kontrollin e tij, me shumicë të madhe. Një numër vendesh, duke përfshirë SHBA-në, Mbretërinë e Bashkuar dhe Gjermaninë, kanë shprehur shqetësim serioz për këtë masë. Para se ligjet të miratoheshin në Parlament Departamenti Amerikan i Shtetit tha se ishte "thellësisht i shqetësuar" nga masa, duke thënë se agjencia luan një rol "kritik" në shpërndarjen e ndihmave humanitare në Rripin e Gazës. Ligjet u kaluan pas pretendimeve të ngritura nga Izraeli dhe që më pas u pohua dhe nga Kombet e Bashkuara se nëntë punonjës të kësaj agjencie mund të ishin përfshirë në sulmin e 7 tetorit, ku Izraeli u sulmua nga grupi militant i Hamas. "Ne kemi informacion të mjaftueshëm për të ndërmarrë veprimet që po ndërmarrim," tha zëdhënësi i OKB-së Farhan Haq që pohoi se po punohet për të konfirmuar akuzat.