Në samitin e G7 në qershor, Friedrich Merz, kancelari gjerman, u sfidua nga një gazetar në lidhje me bombardimin e Teheranit nga Izraeli në luftën Izrael-Iran, ndërsa ajo zhvillohej mijëra km larg. Dhe Merz u përgjigj: Izraeli po bën punën e pistë për të gjithë ne!. Kjo dukej një përgjigje e drejtpërdrejtë dhe luftarake për një kancelar të pasluftës. Por ajo zbuloi edhe diçka më të thellë në lidhje me pikëpamjen botërore të Merz: se siguria e Gjermanisë tani varet nga hebrenjtë, pikërisht njerëzit që dikur donte t’i shfaroste. Merz, ka thënë se Gjermania është “kthyer”, ndërsa po harton plane për të ndërtuar “ushtrinë më të fortë konvencionale në Evropë” për t’u përballur me Rusinë. Ai ka përmbysur dekada të mungesës së investimeve në Bundesëehr, që dikur i dërgonte ushtarët në stërvitje me fshesa në vend të armëve, duke miratuar reforma që lejojnë shpenzime potencialisht të pakufizuara për mbrojtjen. Por ajo që është ndoshta më e habitshme në lidhje me strategjinë e riarmatimit të Gjermanisë është shkalla në të cilën ajo do të mbështetet tek raketat, dronët dhe sistemet e mbrojtjes ajrore të ofruara nga Izraeli. Tetëdhjetë vjet pas Holokaustit, zyrtarë të lartë të mbrojtjes izraelite i kanë thënë The Telegraph se jo vetëm që po luajnë një rol kyç në politikën e re të riarmatimit të Gjermanisë, por edhe janë “krenarë” që e bëjnë këtë.