Kryeministri izraelit Benjamin Netanyahu kërcënon të nisë një sulm ndaj centraleve bërthamore të Iranit edhe nëse Shtetet e Bashkuara sigurojnë një marrëveshje diplomatike me Teheranin, duke përshkallëzuar frikën brenda administratës së Presidentit Donald Trump se një sulm i papritur izraelit mund të prishë negociatat bërthamore që po vazhdojnë, sipas një raporti të Neë York Times. Agjencitë e inteligjencës amerikane vlerësojnë se Izraeli mund të ekzekutojë një sulm brenda shtatë orëve nga urdhri i Netanyahut, duke i dhënë Uashingtonit pak ose aspak kohë për të ndërhyrë. Hendeku në thellim mes Trump dhe Netanyahut tani po nxit bisedime urgjente të nivelit të lartë midis zyrtarëve të lartë nga të dy vendet, thekson raporti. Perspektiva e një sulmi ushtarak izraelit ndaj centraleve bërthamore të Iranit - pa koordinim ose pa marrë parasysh një marrëveshje të negociuar të SHBA-së - do të shënonte një thyerje serioze në aleancën e gjatë midis Shteteve të Bashkuara dhe Izraelit. Për Trumpin, rreziku është i dyfishtë: dështimi i përpjekjeve diplomatike për të frenuar aftësitë bërthamore të Iranit dhe shpërthimi i një konflikti më të gjerë rajonal të shkaktuar nga një operacion izraelit. Sipas raportit të Neë York Times, Netanyahu ka udhëzuar zyrtarët e mbrojtjes të vazhdojnë planifikimin e një sulmi ndaj infrastrukturës bërthamore të Iranit, pavarësisht nëse finalizohet një marrëveshje SHBA-Iran. Opsionet që po shqyrtohen variojnë nga sulme të kufizuara dhe të shënjestruara e deri te operacione më të gjera shumëditore, disa prej të cilave mund të zhvillohen në zona me popullsi të dendur. Administrata Trump ka lëshuar paralajmërime të forta për Izraelin që të mos ndërpresë bisedimet në vazhdim me Teheranin. Por shqetësimet mbeten të mëdha në Uashington. Sipas disa mediave madje trump dhe netanjahu u përplasën ashpër në një telefonatë, javën e kaluar, ku trump këmbënguli për zgjidhje diplomatike me iranianët. Sidoqoftë, pas publikimit të raportit nga Nju Jork Tajms, zyra e Netanjahut e hodhi poshtë atë duke e quajtur ‘lajm të rremë’.