Izraeli paralajmëroi se do t’I përgjigjet sulmit që Irani ndërmori me dron e raketa në fundjavë. Shefi I ushtrisë izraelite gjeneral Halevi njoftoi se gjithçka është duke u shqyrtuar dh ese shumë shpejt Irani do të marrë përgjigje. Ai nuk dha detaje mbi hapat. Deklaratat Halevi I bëri gjatë një vizite në bazën ajrore Nevatim, për të cilën Izraeli tha se pësoi dëme të vogla gjatë sulmit iranian. Ndërkohë nga ana tjetër kryeministri Benjamin Netanyahu mblodhi të hënë zyrtarët e lartë të vendit për të diskutuar mundësinë për t’iu përgjigjur Teheranit, që përdori rreth 300 dronë, raketa balistike dhe raketa lundruese gjatë sulmit të fundjavës. Liderët botërorë i kanë bërë thirrje Izraelit të mos hakmerret. Sulmi i së shtunës ishte sulmi i parë i drejtpërdrejtë që Irani e kreu kundër Izraelit, pavarësisht armiqësisë së hershme mes këtyre dy vendeve prej Revolucionit Islamik në Iran më 1979. Ofensiva u mor pak javë pas shpërthimit në ndërtesën e konsullatës iraniane në Damask ku mes viktimave ishin dhe dy gjeneral të lartë. Irani fajësoi për ngjarjen Izraelin.