Izraeli ka lëshuar një paralajmërim drithërues për 20 shtete evropiane për një rrjet masiv agjentësh të Hamasit që operojnë fshehtazi. Kjo vjen pak ditë pasi BE paralajmëroi për rrezik të madh sulmesh terroriste gjatë këtyre krishtlindjeve. Frika për sulme terroriste në tregjet e krishtlindjes në evropë është intensifikuar pas një gjakderdhjeje afër Kullës Ejfel në paris, më herët këtë javë. Natën e të shtunës, në paris, një 24 vjecar u qëllua për vdekje me thikë nga një mbështetës i ISIS. Ndërkohë ekziston frika se celula të fjetura terroristësh mund të aktivizohen në të gjithë evropën. Ministri izraelit i cështjeve të diasporës, i dërgoi një letër personale liderëve evropianë, që përfshinte prova të aktivitetit terrorist të hamasit në qytetet kryesore të kontinentit. Amichai Shikli shkruante se kjo nuk është koha për të fjetur gjumë. Hamasi sipas tij ka operuar prej vitesh në të gjithë botën dhe tani po përgatitet për veprim. Letra përmbante prova mbi aktivistë të njohur, përfshirë postime në mediat sociale. Paralajmërimi i izraelit vjen pas një rritjeje të urrejtjes antisemite në vendet evropiane. Vetëm në londër, sipas policisë, ka patur një rritje me 1350 për qind të krimeve të urrejtjes kundër hebrenjve. Letra, sipas mediave britanike i është dërguar liderëve të Italisë, Belgjikës, Holandës, Suedisë, Britanisë së Madhe, danimarkës, republikës ceke, hungarisë, greqisë, gjermanisë si edhe përfaqësuesve të BE-së.