Ushtarët izraelitë kanë vazhduar operacionet në rripin e gazës gjatë natës. Sipas një zëdhënësi të ushtrisë, avionët izraelitë kanë goditur shumë objektiva në enklavën palestineze. Ushtarët – ka vijuar zëdhënësi – kanë marrë nën kontroll edhe një bastion të komandantit të xhihadit islamik në veri të rripit të gazës. “Bastioni mbante zyrat e shefave terroristë të organizatës dhe një vend për prodhimin e armëve gjithashtu”, tha zëdhënësi. Përvec kësaj, ushtarët kanë operuar edhe brenda një shkolle, ku ishin fshehur shumë armë të cilat i përkisnin terroristëve të hamasit. Disa terroristë janë vrarë, tha zëdhënësi i ushtrisë izraelite. Ndërkohë, raporte nga rripi i gazës bëjnë të ditur se ushtria izraelite ka vrarë Khaled abu Halal, një ish anëtar të brigadave martire al Aqsa, krahu ushtarak i Fatahut, lëvizja e presidentit të autoritetit palestinez, Mahmoud Abbas që u bë aleate me hamasin. Sipas mediave, abu Halal është vrarë në një sulm ajror në lagjen Sheik Radvan në qytetin e Gazës.