Izraeli kreu një sulm ajror në një shkollë në Rripin e Gazës të enjten, ku po strehoheshin njerëz të zhvendosur nga konflikti më shumë se një vjeçar, duke vrarë të paktën 27 persona, sipas zyrtarëve palestinezë. Izraeli tha se sulmi kishte në shënjestër militantët në një qendër komandimi që ishte vendosur brenda shkollës, shkruan Zëri i Amerikës. Ndërkohë, forcat paqeruajtëse të OKB-së në Libanin jugor, UNIFIL, akuzuan Izraelin se qëlloi mbi pozicionet e tyre dhe plagosi dy paqeruajtës. “Këtë mëngjes, dy paqeruajtës u plagosën pasi një tank i Izraelit qëlloi drejt një kulle vëzhgimi në selinë e UNIFIL-it në Naqoura, duke e goditur drejtpërdrejt atë dhe duke shkaktuar rrëzimin e saj”, thuhet në deklaratën e forcave paqeruajtëse të OKB-së në Libanin jugor, UNIFIL. Pavarësisht bisedës së zhvilluar mes presidentit Biden dhe atij izraelit Benjamin Netanyahu, ushtria nuk e ka ulur tempin e sulmeve, duke lëshuar raketa drejt rripit të gazës por dhe Libanit.