Grupi i fuqishëm i armatosur i Libanit, hezbollah, dhe izraeli, kanë shkëmbyer zjarr artilerie dhe raketa të dielën pas sulmit më vdekjeprurës në vite nga palestinezë të armatosur mbi vendin hebre. Nuk kishte raporte të menjëhershme për viktima në liban apo izrael nga shkëmbimi i zjarrit, të dielën. Të shtunën, një sulm i palestinezëve të armatosur mbi qytetet izraelite, la të paktën 250 izraelitë të vdekur, me më shumë se 300 palestinezë të vrarë në hakmarrjen e izraelit. Hezbollahu, një lëvizje e armatosur e mbështetur nga Irani, tha të dielën se kishte sulmuar me raketa dhe artileri tre qendra në fermat Shebaa, në shenjë solidariteti me palestinezët. Ushtria izraelite ndërkohë tha të dielën se ajo kishte qëlluar me artileri një zonë të libanit nga ku zjarri ishte nisur. “Forca Izraelite e Mbrojtjes aktualisht po godet një zonë në Liban nga ku të shtënat u nisën”, u tha në një deklaratë. Ushtria e izraelit tha se një nga dronët e tij goditi një vendqëndrim të hezbollahut afër zonës Har Dov, në Shebaa. Izraeli ka mbajtur Shebaa Farms, një copë toke prej 39 km katror që nga 1967-ta. Por siria dhe libani i konsiderojnë ato si libaneze. Hezbollahu, që kontrollon efektivisht libanin jugor, tha të shtunën se ishte në kontakt direkt me liderët e grupeve palestineze të rezistencës dhe se i konsideronte sulmet palestineze mbi izrael si një reagim i fuqishëm ndaj okupimit izraelit dhe një mesazh për ata që kërkojnë normalizim me izraelin.