Shpërthime 'kolosale' janë regjistruar në Siri ndërsa sulmet izraelite thuhet se kanë shënjestruar objektet ushtarake, në 'sulmet më të rënda' në zonë për më shumë se një dekadë dhe shpërthimet, sipas raporteve, janë regjistruar nga sensorët e tërmeteve. Një grup monitorues i luftës tha se sulmet izraelite kishin shënjestruar objekte ushtarake në rajonin bregdetar të Sirisë, Tartus. "Avionët luftarakë izraelitë kryen sulme" që shënjestruan një seri objektivasg, përfshirë njësitë e mbrojtjes ajrore dhe "depot e raketave tokë-tokë", tha Observatori Sirian për të Drejtat e Njeriut, në ato që tha se ishin "sulmet më të rënda në rajonin bregdetar të Sirisë që nga fillimi" i tyre në vitin 2012'. Është raportuar se shpërthimi ishte aq i fuqishëm, sa që rezultoi me një magnitudë 3 nga sensorët sizmikë. Sipas ekspertëve, shpërthimi u regjistrua nga një stacion magnetometri 820 km larg, në Isnik në Turqinë perëndimore. Sinjali, sipas tyre kishte udhëtuar dy herë më shpejt se ai i një tërmeti tipik. Tartus është vendndodhja e një prej dy bazave ushtarake të Rusisë në Siri dhe është përdorur si bazë detare, si dhe një depo municioni. Ministria e Jashtme e Rusisë tha më herët se kishte evakuuar disa pjesëtarë të stafit të saj diplomatik nga Siria, një javë pas rënies së diktatorit të vendit Bashar al-Assad. Baza ushtarake detare u krijua për herë të parë nga Bashkimi Sovjetik në Tartus në 1971. Deri në vitin 2017, objekti klasifikohej si 'Pikë e Mbështetjes Materiale-Teknike' dhe jo si bazë dhe është pika e vetme hyrëse e Rusisë në Mesdhe. Qendra u përdor për dërgimin e armatimeve dhe furnizimeve pasi Rusia ndërhyri në luftën civile siriane në vitin 2015. Putin urdhëroi zgjerimin e bazës në vitin 2017, pasi Assadi ia dha objektin pa pagesë në këmbim të ndihmës për ta mbajtur atë në pushtet. Rusia operon gjithashtu një bazë në Hmeimim, duke përdorur një aeroport ekzistues civil pranë qytetit port të Latakias.