Të paktën 10 persona kanë mbetur të vrarë, duke përfshirë pesë gazetarë, dhe shumë të tjerë janë plagosur nga një sulm izraelit në Gaza gjatë orëve të para të mëngjesit të së enjtes. Mjekët dhe autoritetet shëndetësore palestineze paralajmëruan se numri i të vdekurve mund të rritet pasi ka shumë njerëz të cilët kanë mbetur bllokuar nën rrënoja. Sakaq gjatë një sulmi tjetër, pesë gazetarë u vranë kur makina e tyre u godit nga një sulm në afërsi të një spitali, në Gazën qendrore. Sipas mediave palestinezëve dhe gazetarëve lokalë, makina e gazetarëve të vrarë ishte përdorur nga ta për të raportuar nga brenda spitalit dhe kampi i refugjatëve Nuseirat. Më parë grupi militant palestinez Hamasi dhe akuzuan njëri tjetrin për dështimin e tyre për të përfunduar një marrëveshje armëpushimi pavarësisht progresit të raportuar nga të dyja palët në ditët e kaluara. Më shumë se 45 mijë palestinezë janë vrarë në ofensivën ushtarake të Izraelit në Gaza që nga 7 tetori i vitit 2023.