Ushtria izraelite tha se ka përfunduar crrënjosjen e strukturës komanduese të Hamasit në veriun e Rripit të Gazës. Zëdhënësi i ushtrisë izraelite Daniel Hagari i tha gazetarëve se militantët palestinezë tani po veprojnë në zonë vetëm në mënyrë sporadike dhe pa komandë. Ai tha se izraeli ka vrarë rreth 8 mijë militantë në veriun e gazës por bbc shkruan se nuk mund ta verifikojë këtë shifër në mënyrë të pavarur. Forcat mbrojtëse të izraelit tani janë fokusuar në crrënjosjen e hamasit në gazën jugore dhe qendrore, tha zëdhënësi. Që nga fillimi i luftës, tre muaj më parë, izraeli ka vrarë më shumë se 22 mijë persona në Gaza, sipas ministrisë së shëndetësisë të drejtuar nga Hamasi. Të shtunën, ministria tha se kishte regjistruar më shumë se 120 viktima në 24 orët e shkuara. Territori është shkatërruar thuajse tërësisht dhe pjesa më e madhe e popullatës prej 2.3 milionë banorësh, është zhvendosur. Sekretari amerikan i Shtetit, Antoni Blinken, që po viziton rajonin, tha se ai ishte fokusuar tek përpjekjet që konflikti në gaza të mos përhapet përtej saj dhe tek parandalimi i cikleve të pafundme të dhunës. Blinken ishte një ditë më parë në greqi dhe më pas vijoi drejt Jordanisë, për të takuar mbretin Abdullah, ndërkohë që në vijim do të ndalet në Katar. “Uashingtoni duhet t’i bëjë presion izraelit të pranojë një armëpushim të menjëhershëm në gaza – tha mbreti Abdullah Blinkenit, duke e paralajmëruar atë për pasoja katastrofike nëse fushata ushtarake e izraelit atje do të vazhdojë gjatë.