Izraeli ka kryer krime lufte dhe krime kundër njerëzimit duke shkaktuar qëllimisht zhvendosjen masive të palestinezëve në Gaza, thotë një raport i Organizata për të drejtat e Njeriut, Human Rights Watch . Rreth 1.9 milionë njerëz - 90% e popullsisë së Gazës - janë larguar nga shtëpitë e tyre gjatë vitit të kaluar dhe 79% e territorit është nën urdhrat e evakuimit të lëshuar nga Izraeli, sipas OKB-së. Raporti i Human Rights Watch thotë se kjo përbën "transferim të dhunshëm" dhe se "provat tregojnë se ka qenë sistematik dhe pjesë e një politike shtetërore". Ai gjithashtu thotë se veprimet izraelite duket se "përputhen me përkufizimin e spastrimit etnik". Izraeli ka thënë se raporti është "plotësisht i rremë dhe i shkëputur nga realiteti". “Në kundërshtim me pretendimet në raportin e HRW, përpjekjet e Izraelit janë të drejtuara vetëm në çmontimin e aftësive terroriste të Hamasit dhe jo kundër popullit të Gazës,” tha Oren Marmorstein, një zëdhënës i Ministrisë së Punëve të Jashtme të Izraelit, në platformwn X. Ai shtoi se Izraeli do të "vazhdojë të veprojë në përputhje me ligjin e konfliktit të armatosur".