Lideri suprem i Iranit, Ajatollah Ali Khamenei, paralajmëroi kundër ekzagjerimit apo minimizimit të ndikimit të sulmeve hakmarrëse që Izraeli kreu ndaj Iranit të shtunën. Duke folur të dielën me familjarët e zyrtarëve ushtarakë iranianë që u vranë gjatë sulmeve, Khamenei i përshkroi sulmet si “keqllogaritje” nga Izraeli. Megjithatë, ndërsa i bëri thirrje zyrtarëve qeveritarë që të “kuptojnë aftësitë” që ka Irani, ai nuk tha nëse irani do të përgjigjet apo jo. “Sigurisht, ata po e ekzagjerojnë”, tha ai duke iu referuar Izraelit, i cili tha më herët se në mënyrë të suksesshme kreu “sulme të shënjestruara dhe precize” ndaj shënjetsrave ushtarake të Iranit. “Është gabim të ekzagjerohet, por po ashtu është gabim edhe të minimizohet”, tha Khamenei, duke shtuar se Irani nuk mundet thjesht të thotë “se sulmet nuk ishin asgjë, s’ishin të rëndësishme”. Teherani i ka kërkuar Zvicrës, që mban presidencën në Këshillin e Sigurimit të Kombeve të Bashkuara, që të thërrasë një seancë të jashtëzakonshme për të dënuar Izraelin pas sulmeve ajrore, që ishin kundërpërgjigje ndaj sulmeve me raketa që Irani kreu në fillim të muaj