Izraeli rihapi kufirin mes Gazës dhe Egjiptit të hënën për njerëzit në këmbë, një veprim që do t'u lejojë palestinezëve të largohen nga enklava dhe të hyjnë ata që ishin larguar dhe që duan të kthehen sërish. Rihapja e pikës kufitare të Rafahut do të jetë e kufizuar, me Izraelin që kërkon kontrolle sigurie për palestinezët që hyjnë dhe dalin. Izraeli dhe Egjipti pritej të vendosnin kufizime në numrin e udhëtarëve. Izraeli pushtoi pikën kufitare në maj 2024, rreth nëntë muaj pasi nisi lufta në Gaza që është ndalur tani nga një armëpushim i tetorit i ndërmjetësuar nga Presidenti amerikan Donald Trump. Rihapja e Rafahut ishte një kërkesë e rëndësishme e fazës së parë të planit të Trump. Një zyrtar izraelit i sigurisë tha se ekipet evropiane të monitorimit kishin mbërritur në pikën kufitare, e cila "tani është hapur për lëvizjen e banorëve, si për hyrje ashtu edhe për dalje".