Kompania ajrore izraelite El Al, tha të premten se do të pezullojë fluturimet për në Johanesburg në fund të marsit, me pretendimin se ka rënie të kërkesës, ndërkohë që kjo ndodh pasi Afrika e Jugut e ka akuzuar Izraelin për gjenocid në Gjykatën Ndërkombëtare të Drejtësisë. Kjo kompani ajrore, realizonte dy fluturime në javë në Johanesburg. “Izraelitët nuk dëshirojnë të udhëtojnë në Afrikën e Jugut”, tha një zëdhënëse e kompanisë. “Ata po i anulojnë fluturimet dhe avionët janë pothuajse bosh. Ne e kuptojmë këtë situatë, sepse në të kaluarën ka qenë ndryshe. Fakti që izraelitët nuk duan të shkojnë në Afrikën e Jugut, por në vende të tjera, na detyron të pezullojmë këtë linjë”, tha ajo. Mes të tjerash, kompania ka përmendur edhe shqetësimet për sigurinë. Gjykatësit e Kombeve të Bashkuara do të vendosin të gjatë ditës për kërkesën e Afrikës së Jugut për masa urgjente kundër Izraelit, përfshirë ndaljen e operacioneve ushtarake në Gazë. Izraeli përballet edhe me akuza për kryerje të gjenocidit në Gazë.