Izraeli nuk I ndal sulmet ndaj Gazas, Libanit e Sirisë, ku vetëm mbrëmjen e 8 nëntorit janë goditur qendrat e komandës, një vend të prodhimit të armëve, si dhe infrastrukturë tjetër që sipas tyre I përkiste organizatës Hezbollah, në zonën e Dahieh, një bastion kyç I tyre në Bejrut. Njoftimi u bë në rrjetin Telegram. Gjithashtu Forcat e Mbrojtjes së Izraelit njoftuan se ‘u goditën 50 objektiva terroristë në Gaza dhe Liban'. “Ndër objektivat e goditura ishin objekte ushtarake, depo armësh dhe lëshues”, thuhet në një deklaratë. Forcat Ajrore izraelite sulmuan komplekset e inteligjencës dhe selinë e Hezbollahut edhe në qytetin jugor të Libanit, Tyre. Ushtria shtoi se dhjetëra terroristë u vranë në Libanin jugor dhe se forcat ajrore goditën raketat e përdorura për të goditur qytetin izraelit të Akrës këtë mëngjes. Kurse një shpërthim u dëgjua pranë qytetit Al-Safira, në fshatin Alepo, Siri. Lajmi është bërë i ditur nga agjencia shtetërore e lajmeve SANA, raportuar nga Haaretz. "Rreth orës 00:45 pas mesnate (9 nëntor), ushtria izraelite nisi një sulm ajror duke synuar një numër vendesh në fshatrat e Alepos dhe Idlib", tha agjencia siriane e lajmeve SANA, duke shtuar se sulmi "rezultoi në plagosjen e disa ushtarëve" pasi sipas Observatorit Sirian për të Drejtat e Njeriut, sulmi izraelit goditi një zonë ku ndodhen pozicionet ushtarake.