Izraeli e ka dëshmuar se është një “aleat i MADH” i Shteteve të Bashkuara të Amerikës, tha presidenti Donald Trump në një postim në platformën e tij Truth Social, duke e mbuluar shtetin hebraik me lëvdata. “Pavarësisht nëse njerëzve u pëlqen apo jo Izraeli, ai e ka provuar se është një aleat i MADH i Shteteve të Bashkuara të Amerikës”, deklaroi ai. “Ata janë të Guximshëm, Besnikë dhe të zgjuar dhe, ndryshe nga të tjerët që kanë treguar fytyrën e tyre të vërtetë në një moment konflikti dhe stresi, Izraeli lufton fort dhe di si të FITOJË!” deklaroi ai. Nuk është e qartë se çfarë e nxiti deklaratën, megjithëse ajo vjen jo shumë kohë pasi ish-zëvendës presidentja amerikane Kamala Harris akuzoi Kryeministrin Benjamin Netanyahu për tërheqjen e SHBA-së në një luftë të padëshiruar me Iranin. Zëra të tillë janë dëgjuar në Uashington këto kohë, ndërkohë që vetë Trump, i ka hedhur poshtë ato. Ndërsa për Izraelin nuk i ka kursyer lëvdatat, trump ka derdhur vrer e zemërim drejt NATO-s, që sipas tij nuk ishte aty kur SHBA kishte nevojë, dhe as nuk do të jetë ndonjëherë. Trump ka kërcënuar madje ta tërheqë SHBA-në nga aleanca perëndimore e mbrojtjes dhe e ka quajtur atë ‘një tigër prej letre’.