Zjarre të tërbuara po përhapen drejt jeruzalemit ndërsa izraeli ka shpallur një emergjencë kombëtare. Policia ka arrestuar 18 persona të dyshuar për zjarrvënie të qëllimshme pas zjarrit monstër. Pamje tronditëse tregojnë tym të zi, të dendur, mbi autostradën kryesore që lidh Jerusalemin me Tel Avivin, ndërsa zjarrfikësit nxitojnë të kontrollojnë flakët. Shoferët e tmerruar shiheshin teksa përpiqeshin të dilnin nga makinat e tyre dhe të largoheshin. Kryeministri izraelit, Benjamin Netanyahu, paralajmëroi se zjarret mund të arrijnë në qytet dhe shpalli një "emergjencë kombëtare". "Era perëndimore mund ta shtyjë zjarrin lehtësisht drejt periferisë së Jerusalemit, dhe madje edhe brenda vetë qytetit. Tani jemi në një emergjencë kombëtare, jo vetëm lokale", tha Netanyahu.