Të paktën 32 persona humbën jetën në Gaza si pasojë e sulmeve të ndërmara nga Izraeli. Ushtria izraelite tha të shtunën se vrau një palestinez të akuzuar për përfshirje në sulmin terrorist të Hamasit në 7 tetorin e vitit të kaluar. Viktima sipas ushtirsë dyshohet se ishte punonjës i organizatës së ndihmave Ëorld Central Kitchen. Po ashtu ushtria njoftoi se avionët e saj goditën vendet e kontrabandës së armëve të Hezbollahut përgjatë kufirit të Sirisë me Libanin. Sulmi ajror goditi në një godinë apartamentesh duke vrarë 10 civilë. Banorët u shprehën të pasigurtë për jetën pasi çdo ditë po bombardohen nga ushtria izraelite. “Nuk ka vend të sigurtë. Banorët bombardohen në shtëpitë e tyre, në tregje, në rrugë, në shkolla. Ku duhet të shkojnë këta njerëz? Nuk ka asnjë vend të sigurt”, tha një palestinez raporton Zëri I Amerikës. Sipas zyrtarëve në Gazë, fushata e Izraelit ka vrarë të paktën 44,200 persona dhe ka zhvendosur gati të gjithë popullsinë të paktën një herë.