Izraeli ka bastisur xhaminë Al Aksa, vendi i tretë më i shenjtë për myslimanët. Ngjarja është regjistruar në ditët e Muajit të Ramazanit, kur brenda në objekt ndodheshin qindra besimtarë duke kryer faljen e mëngjesit. Policia izraelite tha se 350 persona u arrestuan gjatë aksionit, duke i akuzuar për nxitje dhune. Si prova, autoritetet izraelite thanë se kanë sekuestruar fishekzjarre, shkopinj dhe gurë. Palestinezët thanë se granata trullosëse dhe plumba gome u përdorën për të pastruar grupin dhe se 14 persona u plagosën. Pak pas këtij aksioni, Hamas lëshoi nëntë raketa në drejtim të Izraelit nga Rripi i Gazës, ndërsa ushtria izraelite iu kundërpërgjigj me sulme ajrore. Dhuna mbërrin pak ditë para festës së pashkës hebreje, ndërsa myslimanët janë ende në muajin e Ramazanit.