Izraeli dhe Libani kanë rënë dakord për një armëpushim 10-ditor që fillon të enjten, tha Presidenti i SHBA-së Donald Trump pasi bisedoi me kryeministrin izraelit Benjamin Netanyahu dhe Presidentin e Libanit Joseph Aoun. “Këta dy udhëheqës kanë rënë dakord që, për të arritur PAQEN midis vendeve të tyre, ata do të fillojnë zyrtarisht një ARMPUSHIM 10-ditor”, tha Trump në një postim në rrjetin e tij social Truth, pa përmendur grupin Hezbollah të Libanit të mbështetur nga Irani. “Do të ftoj Kryeministrin e Izraelin Netanyahu, dhe Presidentin e Libanit, Joseph Aoun, në Shtëpinë e Bardhë për bisedimet e para kuptimplote midis Izraelit dhe Libanit që nga viti 1983”, shkroi Trump në një postim tjetër disa minuta më vonë. Trump kishte njoftuar më herët të enjten se udhëheqësit e Izraelit dhe Libanit do të flisnin për ndalimin e luftimeve. Libani dhe Izraeli zhvilluan të martën në Uashington bisedimet e tyre të para të drejtpërdrejta diplomatike në dekada, pas më shumë se një muaji lufte midis Izraelit dhe Hezbollahut. Libani ka këmbëngulur për një armëpushim për të ndaluar luftimet midis Izraelit dhe Hezbollahut përpara se të angazhohet në bisedime të drejtpërdrejta, ndërsa është zotuar të angazhohet për çarmatosjen e grupit të shpallur terrorist nga SHBA dhe BE.