Një shpërthim i fuqishëm tronditi Vlorën mbrëmjen e të shtunës. Një sasi lënde plasëse u vendos pak para mesnate në katin e parë të një pallati katër katësh në pronësi të 63-vjeçares Bakie Zoto. Ngjarja ndodhi në lagjen Partizani, ndërsa nga shpërthimi i fuqishëm pati dëme të shumta materiale. E gjithë fasada e jashtme e apartamentit u dëmtua. Ndërkohë 63-vjeçarja mohoi të ketë konflikte. Vetëm jetoj. Erdhi dhe policia. Më shumë u bë tym. Jo fare asnjë konflikt. Kam kaq vite këtu në lagje. Nuk e di, jam habitur dhe vetë Lidhur me rastin policia po punon për sqarimin e plotë të rrethanave ndërsa ka sekuestruar dhe kamerat e bizneseve rreth zonës. shpërthimi dyshohet se ka ardhur si rrjedhojë e djalit të 63-vjeçares, Gentian Zotos që është dënuar me 35 vite burg nga Gjykata e Apelit, si pjesë e grupit që kryen atentatin kundër Inez Hajrullës me 10 maj 2019 në Vlorë. Së bashku me Zoton për të njëjtën ngjarje, janë dënuar dhe Daut Elmazi, Igli Memaj, Serxho Ademi dhe Albano Goxhaj.