Agjencitë federale kanë mbështetur sigurinë e diplomatëve amerikanë në Lojërat Olimpike të mëparshme, duke përfshirë Hetimet e Sigurisë Kombëtare, tha për CNN një zëdhënës i Departamentit të Shtetit. Departamenti i Shtetit gjithashtu specifikoi se Shërbimi i tij i Sigurisë Diplomatike po udhëheq përpjekjet e sigurisë së SHBA-së në Milano. Por në itali, lajmi është pritur me zemërim. Deputetë dhe ish deputetë i kanë kërkuar kryeministres italiane Giorgia Meloni të ndërhyjë dhe të bllokojë praninë e agjentëve, që kanë marrë një famë të keqe vecanërisht pas dy të shtënave fatale në mesin e raprezaljes mbi emigracionin të ndërmarrë nga Trump, në Minneapolis. Ministri i Brendshëm italian Matteo Piantedosi u takua të martën me ambasadorin amerikan Tilman Fertitta, sipas Ministrisë së Brendshme, e cila konfirmoi se krahu hetimor i agjencisë së doganeve dhe emigracionit dhe jo krahu operativ, do të jetë i pranishëm në Lojërat Olimpike Milano-Cortina. “Agjencia do të punojë ekskluzivisht brenda misioneve të saj diplomatike dhe jo në terren”, tha ministria në një postim në mediat sociale.