Dalin për të pirë një cigare jashtë lokalit e më pas largohen me vrap. Në këto ditë vere, është përsëritur një tjetër skandal i vogël, nën diell... edhe këtë radhë, shkruan Corriere della sera, ashtu sic ndodhi në shqipëri vetëm dy javë më parë, elementet kryesorë në histori janë tre: një grup të rinjsh italianë, një faturë e papaguar dhe një person i tretë që ndërhyn për të shlyer gabimin. Por këtë radhë, nuk është kryeministrja Giorgia Meloni. Ngjarja ka ndodhur në Msida, një qytezë e vogël bregdetare në ishullin e maltës, më 25 gusht. Protagonistë janë pesë adoleshentë sicilianë, me pushime, të gjithë rreth të 17-ave. Ata kishin shkuar për të ngrënë drekë në një restorant italian, kishin bërë një porosi prej rreth 100 eurosh. Më pas, ishin ngritur nga tavolina njëri pas tjetrit, me justifikimin për të pirë një cigare, duke u zhdukur. Pronarët e lokalit kanë denoncuar ngjarjen dhe mediat lokale kanë publikuar imazhet e kamerave të sigurisë. E kjo ka dhënë rezultate. Babai i një prej adoleshentëve të përfshirë në ngjarje, ka njohur të birin dhe ka kontaktuar me restorantin, duke u ofruar të paguajë llogarinë. Më telefonoi për të më kërkuar numrin e llogarisë që të paguante faturën – thotë pronari italian i lokalit. Më tha edhe se i biri ishte penduar. Unë i thashë se e vlerësoj xhestin, por se nuk kishte nevojë të shlyente llogarinë. Por ai insistoi ndaj i propozova që shumën e 100 eurove tia jepte një organizate bamirësie. Ideja ime i pëlqeu dhe në fund më telefonoi përsëri duke thënë se kishte paguar jo 100 por 250 euro. Por babai kishte shkuar akoma më tej, duke i thënë pronarit se do të dërgonte të birin për të punuar në restorant falas, verën e ardhshme...