Pas një ndërprerje për më shumë se dy muaj, marrëveshja dypalëshe mes Shqipërisë dhe Italisë për strehimin e emigrantëve është aktivizuar përsëri. Mediat italiane raportojnë se anija “Cassiopea” po lundron drejt qendrave të pritjes në Shëngjin për të transportuar emigrantët që do të strehohen në Gjadër. Sipas raportimeve të shtypit italian, anija e marinës ushtarake italiane aktualisht ndodhet në ujërat e Lapenduzës. Ndërkohë vetë Meloni pak kohë më parë deklaroi se në muajin janar do të nisin dhe operacionet drejt Shqipërisë për dërgimin e emigrantëve të paligjshëm. Bllokimi I përkohshëm I marrëveshjes erdhi si rrjedhojë e betejave ligjore në Itali. Opozita akuzoi Melonin për shkelje të Kushtetutës italiane dhe e referoi rastin në një gjykatë në Romë që urdhëroi anulimin e dërgimit të emigrantëve për çështjen e riklasifikimit të vendeve të sigurta. Edhe pse qeveira italine shplli dekret duke riklasifikuar listën, përsëri gjykatat e Romës vendosën të mos e pranojnë. Deri sa Gjykata europiane e drejtësisë i dha të drejtë Melonit, që sipas marrëveshjes secili shtet duhet të ketë një listë të personalizuar të vendeve të sigurta dhe të pasigurta.