Lindjet në itali duket se do të shënojnë një rekord të ri të ulët, këtë vit, sipas të dhënave paraprake që nënvizojnë edhe një krizë demografike në thellim të vendit. Mes janarit dhe qershorit kishte 3500 lindje më pak se në të njëjtën periudhë të 2022-shit, tregojnë të dhënat nga byroja kombëtare e statistikave Istat. Në 2022 në tërësi, lindjet ranë me 1.7 për qind, duke shkuar në 393000, rënia e 14 radhazi kjo dhe numri më i ulët i lindjeve që nga bashkimi i vendit në 1861. Kryeministrja Giorgia Meloni, këtë muaj, akordoi 1 miliardë euro për masa që kanë si qëllim të adresojnë krizën, të shkaktuar pjesërisht nga vështirësitë e grave italiane për të kombinuar punën me mëmësinë dhe konsideroi shpalljen e një emergjence kombëtare për ekonominë e tretë më të madhe të eurozonës. Popullata në tkurrje dhe në plakje con në rënie të produktivitetit dhe kosto më të larta sociale në një vend që ka aktualisht faturën më të lartë të pensioneve shtetërore në organizatën për bashkëpunim dhe zhvillim ekonomik me 38 vende. ISTAT tha në raportin e saj se bazuar në të dhënat nga janari deri në qershor, shkalla e lindshmërisë në 2023-shin me gjasë do të bjerë në 1.22 fëmijë për një grua, nga 1.24 që ishte një vit më parë. Shkalla e lindshmërisë është më e lartë mes emigrantëve ndërsa mes grave me shtetësi italiane ajo ishte vetëm 1.18 për qind në 2022. Të dhënat e tjera treguan se mesatarisht, gratë në itali lindnin fëmijën e parë të tyre në moshën 31 vjecare dhe se vitin e kaluar 41.5 për qind e bebeve ishin lindur nga gra të pamartuara.