Italia ka forcuar kufizimet në përpjekje për të ndaluar rritjen e infektimeve me koronavisur, duke përfshirë edhe ndalimin e festimeve publike në natën e ndërrimit të viteve. Numri i infektimeve të reja ka shënuar një rekord të ri të enjten. Ministri i shëndetësisë, Roberto Speranza tha se mbajtja e maskës do të jetë e detyrueshme përsëri në ambjente të hapura dhe urdhëroi njerëzit të përdorin maska më shumë mbrojtëse si ato Ffp2 në transportin publik dhe vendet publike si teatro, kinema dhe evente sportive. Për më tepër, koncertet dhe eventet në ambjente të hapura do të jenë të ndaluara deri më 31 janar ndërsa diskot dhe klubet e natës duhet të qëndrojnë të mbyllura deri atëherë në një përpjekje për të parandaluar takimet masive gjatë periudhës së pushimeve. Njoftimi erdhi ditën kur Italia regjistroi një rekord prej 44595 infektimesh të reja dhe një rritje prej mbi 70 për qindësh vetëm në një javë, me variantin shumë më infektues Omicron që vazhdon të përhapet në vend. Po ashtu edhe numri i viktimave po rritet me 168 të regjistruara të enjten, shifra më e lartë kjo që nga maji.