Ka shkuar në 7 numri i personave, të cilët humbën jetën nga rrëzimi i avionit në Itali. Lajmi u konfirmua nga agjencia e lajmeve Ansa duke cituar zyrtarët e skuadrave të shpëtimit. Helikopteri u nis të enjten nga Lucca në Toskana dhe kishte si destinacion qytetin verior të Trevizos kur u zhduk nga ekranet e radarëve pasi u përball me mot të keq mbi një zonë kodrinore dhe me pyje. Shtatë persona ndodheshin në bordin e helikopterit, mes tyre katër biznesmenë turq, që punonin për një kompani që kishte marrë pjesë në një panair teknologjik. Në operacionin e kërkimit që pasoi zhdukjen e papritur të helikopterit u angazhuan skuadrat e emergjencave dhe dy helikopterë, njëri prej të cilëve i forcave ajrore italiane të vendosura në bazën ushtarake të Cervias. Autoritetet ende nuk kanë përcaktuar shkakun e aksidentit por thonë se rrëzimi i tij mund të ketë ardhur nga moti i keq i cili kishte përfshirë zonën në kohën e tragjedisë. Pamjet: AFP