Forcat e armatosura të Ukrainës kanë konfirmuar se një sulm me raketa ruse goditi një njësi stërvitore ushtarake, duke shkaktuar një numër viktimash. Forcat tokësore ukrainase thanë të martën vonë se tre ushtarë janë vrarë dhe 18 janë plagosur. Ushtria nuk tha se ku ndodhej vendi i stërvitjes, megjithëse një reporter lufte ukrainas, Andrei Taplienko, tha se ai ishte i vendosur në rajonin Chernihiv në veri të Kievit, i cili kufizohet me Rusinë dhe Bjellorusinë. Ministria e mbrojtjes e Rusisë publikoi një video të asaj që pretendoi se ishte një sulm me një raketë balistike Iskander në një zonë të pyllëzuar që përfshinte më shumë se 20 shpërthime të tipit klaster. Videoja nuk mund të verifikohej menjëherë, por Ministria e Mbrojtjes së Rusisë pretendoi se numri i viktimave ukrainase ishte shumë më i lartë nga sa kishte raportuar ushtria e Ukrainës.