Kufiri SHBA-Meksikë do të shfruytëzohet nga Shteti Islamik. Ky është shqetësimi i ngritur nga strukturat amerikane të inteligjencës dhe sigurisë që po përqëndrojnë vëmendjen e tyre kryesisht në kufirin jugor mes dy shteteve ku dhe është vala më e madhe e emigrantëve. Shqetësimet e shtuara, sipas Zërit të Amerikës, vijnë pas arrestimit në fillim të qershorit të tetë burrave nga Taxhikistani, të cilët kishin hyrë në Shtetet e Bashkuara përmes kufirit jugor me Meksikën, rrugëtim që disa prej tyre e kishin filluar mbi një vit më parë. Edhe pse ata nuk rezultuan të përfshirë në çështje terrorizmi, agjentët zbuluan informacione se ata ishin të lidhur me grupin terrorist ISIS. “E kemi parasysh se njerëzit që vranë mbi 150 rusë në teatër ishin nga po e njëjta pjesë e botës”, deklaroi nënsekretari për zbulimin dhe analizën në Departamentin amerikan për Sigurinë Kombëtare, Ken Ëainstein, duke iu referuar sulmit ndaj një salle koncertesh në Moskë në muajin mars, për të cilin përgjegjësinë e mori dega e ISIS-it në Afganistan.